جێگری سەرۆکی هەرێم لەگەڵ باڵیۆزی ئیتاڵیا کۆبووەوە

ئەمڕۆ چوارشەممە ٢٠٢٦/٦/٢٤ بەڕێز شێخ جەعفەر شێخ مستەفا، جێگری سەرۆکی هەرێمی کوردستان، پێشوازییکرد لە بەڕێز نیکۆلۆ فۆنتانا، باڵیۆزی ئیتاڵیا لە عێراق و شاندێکی یاوەری.

لە کۆبوونەوەکەدا دوایین پێشهاتە سیاسی و ئەمنییەکانی عێراق و ناوچەکە، پەیوەندییەکانی نێوان ئیتاڵیا لەگەڵ هەرێمی کوردستان و عێراق، بارودۆخی ناوخۆی هەرێمی کوردستان و پەیوەندییەکانی نێوان هەولێر و بەغدا، گفتوگۆیان لەبارەوە کرا.

پڕۆسه‌ى چاكسازی و يه‌کخستنه‌وه‌ی پێشمه‌رگه، پرسی پێکهێنانی کابینەی نوێی حکومەتی هەرێمی کوردستان، بەشێکی دیکەی گفتوگۆکانی دیدارەکە بوو کە بەڕێز تۆماسۆ سانسۆنی، کونسوڵی گشتیی ئیتاڵیا لە هەرێمی کوردستان، ئامادەی بوو.