جێگری سەرۆکی هەێم لەگەڵ کۆنگرێسمان جیم هایمس کۆبووەوە

لە بارەگای کۆنگرێسی ئەمریکا لە واشنتۆن، بەڕێز شێخ جەعفەر شێخ مستەفا، جێگری سەرۆکی هەرێمی کوردستان لەگەڵ بەڕێز جیم هایمس، ئەندامی کۆنگرێسی ئەمریکا، کۆبووەوە.

لە کۆبوونەوەکەدا، وێڕای خستنەڕووی پێشهات و گۆڕانکارییە سیاسی و ئەمنییەکانی عێراق و ناوچەکە، پەیوەندييه‌كانى نێوان ئەمریکا لەگەڵ عێراق و هەرێمی کوردستان، پێکهێنانی کابینەی نوێی حکومەتی هەرێمی کوردستان و کێشە و ناکۆکییەکانی نێوان بەغدا ـ هەولێر، گفتوگۆیان لەبارەوە کرا.

لە بەشێکی دیکەی کۆبوونەوەکەدا، پرۆسەی چاکسازیی و ڕێکخستنەوەی پێشمەرگە خرایە بەر باس و هەردوولا لەسەر پێویستیی سەرخستنی پرۆسەکە و خێراکردنی ئەو قۆناغانەی کە ماون، هاوڕا بوون.