/ ی.ن.ک
پرسەنامەیەك لە هەڤاڵ شێخ جەعفەر شێخ مستەفا-وە
2025-08-23
بەڕێزان خانەوادە و كەسوكاری سەربەرزی شەهیدان ( دیار سەردار لە هێزەكانی كۆماندۆی كوردستان، ئاری شێخ سوعاد تاڵەبانی لە هێزەكانی دژە تیرۆر، سەرمەند عەلی لە هێزەكانی بەڕێوەبەرایەتی ئۆپەراسیۆنی ئاسایش)
لە ناخەوە دڵتەنگ و خەمبار بووم بە شەهیدبوونی ئەم پۆلە قارەمانە كە لە ئەرك و فەرمانی جێبەجێكردنی یاسا و چەسپاندنی سەقامگیریی و ئارامیی سلێمانی و بەرنگاربوونەوی لەیاسادەرچواندا گیانی خۆیان پێشكەش بە خاك و وڵات كرد.
بۆ ئەم خەمە قووڵە، ماتەمینی و پرسەی خۆم ئاراستەی خانەوادە تێكۆشەرەكانتان دەكەین و لە خوای گەورە داواكارین شەهیدەكان بە بەهەشتی بەرین شاد بكات و ئارامیی و ئۆقرەیی بەبەڕێزتان ببەخشێت.
شێخ جەعفەر شێخ مستەفا
لێپرسراوی ئەنجومەنی پاراستنی بەرژەوەندییە باڵاكانی
یەكێتیی نیشتمانیی كوردستان